Fene hoxe

Inicio   Fene hoxe
07-09-2018

Fene celebra este sábado a súa V Festa Mariñeira con degustación de pratos de mar, deporte, xogos, viaxes pola ría e música

O peirao de Barallobre acollerá mañá sábado, 8 de setembro, a quinta edición da Festa Mariñeira, organizada polo Concello de Fene a través da Concellería de Promoción Económica que dirixe César Castro e xunto ó movemento asociativo.
07-09-2018

O I Festival das Ondas reunirá este domingo no peirao de Barallobre a La Bien Querida, Baiuca, Trajano!, DJ Ramone e Os Peregrinos

O Concello de Fene, a través da Concellería de Promoción Turística que dirixe Juan José Franco, organiza este domingo, 9 de setembro, o I Festival das Ondas. O peirao de Barallobre será escenario do festival, que dará comezo ás 19 horas con entrada de balde.
13-08-2018

O Concello de Fene promove a “I Ruta Indiana, Vén a Maniños”

O Concello de Fene organizará o vindeiro domingo 26 agosto, coincidindo coa Festa do Pote, a primeira edición da “Ruta In diana, Vén a Maniños”.
Unha iniciativa que, como sinala o edil de Promoción Turística, José Franco, permitirá realizar unha volta á historia Indiana do municipio. Incluída no proxecto “Fene Mar Vivo”, consistirá en percorrer os puntos de maior interese na historia Indiana do concello nun itinerario guiado polo arquitecto Carlos Ardá e con recreacións teatrais das figuras do insigne Indiano D. Adriano e a súa esposa.
02-08-2018

Arantxa Prada inaugura en Fene a súa exposición de pintura “Introproxección”

 A pintora Arantxa Prada inaugura en Fene a súa exposición “Introproxección”. Será este venres, 3 de agosto, a partir das 12 horas na sala de exposicións temporais da Casa da Cultura-Museo do Humor. Con entrada libre, no acto tomará a palabra a artista, así como a concelleira de Cultura, Rocío Bértoa, e o alcalde, Gumersindo Galego.

27-07-2018

Fene celebra este domingo a Romaría de Santa Ana

Concello e tecido asociativo unen forzas e recuperan, 23 anos despois da última celebración, a Romaría de Santa Ana. O edil de Promoción Económica, César Castro, avanza que será este domingo, 29 de xullo, cun programa que arrancará ás 11 horas. É a hora sinalada para que as persoas interesadas en acudir á cita se reúnan na casa consistorial, xa que dende alí partirán cara a capela.
24-07-2018

Conferencia este xoves de Vicente Araguas, Henrique Sanfiz e Carlos Neira sobre a historia da capela e romaría de Santa Ana

O escritor Vicente Araguas; o historiador e director de RadioFene Henrique Sanfiz e o ex concelleiro fenés Carlos Neira, descendente da familia que ergueu a capela de Santa Ana, serán os ponentes da conferencia arredor da romaría de Santa Ana que o Concello organiza este xoves, 26 de xullo, no salón de plenos da casa consistorial de Fene a partir das 20 horas. Unha conferencia que servirá tamén de carta de presentación da cita, que terá lugar o domingo, 29 de xullo, despois de 23 anos sen celebrarse. Polo de pronto, este xoves, a veciñanza está convidada á conferencia, na que os tres ponentes abordarán os vínculos da capela de Santa Ana co Camiño Inglés, falarán das referencias á historia da propia capela e tratarán recordos familiares.
12-07-2018

Nenos e nenas de “Verán máis alá!” irán este venres de excursión á área recreativa de Pedroso

A primeira quenda do programa de conciliación da vida persoal e laboral “Verán máis alá!” que impulsa a Concellería de Cultura que dirixe Rocío Bértoa chegará mañá venres ó seu remate. Nenos e nenas deixan atrás unha semana moi divertida e repleta de actividades acuáticas, xa que todos os días desprazáronse á piscina municipal de Centieiras. A diversión continuará ata o último día e, mañá venres, o Concello proporalles saír de excursión. A área recreativa de Pedroso será o destino da viaxe e, alí, os diferentes grupos de nenas e nenos realizarán actividades relacionadas coa natureza, onde vincularán o vivido co aprendido sobre a auga no marco do proxecto culturas. Tamén está prevista unha pequena ruta e xogos cooperativos e de grupo.
12-07-2018

O Concello de Fene celebra a Festa dos Avós con cea de balde baixo carpa e inchables para os máis pequenos da casa

O Concello de Fene recupera este ano, no marco do ciclo “Día de Galicia”, a Festa dos Avós. Será esta tarde na praza do Alcalde Ramón Souto González, baixo carpa e a partir das 20 horas. A concelleira de Cultura, Rocío Bértoa, convida a toda a veciñanza a asistir á cita, coa que o Concello quere agradecer o esforzo que fan tantas persoas maiores para construír no día a día unha sociedade mellor, sendo incluso en moitos casos o sustento de tantas familias. Así, a partir da hora sinalada, comezarán a repartirse as racións de churrasco, que elaborará previamente a AVV de Magalofes, e a quen o Concello agradece moi especialmente a súa colaboración. Tamén se distribuirán racións de empanada, bola e unha botella de auga por persoa ata esgotar existencias. Todo isto, de balde. As bebidas, iso si, haberá que abonalas e a recadación destinarase íntegramente a Cáritas.
 
11-07-2018

Fene celebrará esta tarde o Certame de Habaneiras e Canto Coral

O ciclo “Día de Galicia”, programación deseñada pola Concellería de Cultura de Fene con motivo do 25 de xullo, continúa este mércores co Certame de Habaneiras e Canto Coral. Será a partir das 20,30 horas na praza do Alcalde Ramón Souto González e, nel, tomarán parte as corais polifónicas do CPS de San Valentín, ACDR O Pote de Maniños; SCRD Agarimo de Sillobre e Eterna Xuventude do Centro Social de Fene, así como as rondallas “Perla do Río” do CCRD de Perlío e “Estrelecer” do CMI Unidade de Fene e do Tradicoro. Unha cita que se prevé multitudinaria.
10-07-2018

O grupo de rock ITH presenta o seu último traballo esta noite en Fene no marco do Ciclo “Día de Galicia” organizado polo Concello

O Concello convida a veciñanza e visitantes a asistir esta noite, a partir das 22 horas, ó concerto do grupo de rock ITH, que presentará na praza do Alcalde Ramón Souto González o disco “O mínimo que o contén todo”. A actuación forma parte do ciclo “Día de Galicia” organizado pola Concellería de Cultura de Fene.
1 2 3 45 6 7 8 >>