24-01-2019

O Concello activa nos coles obradoiros para fomentar o uso responsable das TICs Celebraranse en xaneiro e febreiro, baixo o título “Desenrédate!”

A Concellería de Benestar Social e Igualdade que dirixe a concelleira Juana Barro vén de poñer en marcha nos centros educativos de Fene unha serie de obradoiros para fomentar o uso responsable das novas tecnoloxías baixo o título “Desenrédate! Prevención de adiccións e bo uso das TIC”. Comezaron este mes de xaneiro e prolongaranse ata febreiro. En concreto, os centros educativos acollidos ao programa son o CPI Xunqueira (11 e 18 de xaneiro e 1 de febreiro); CEIP Centieiras (23 de xaneiro e 6 de febreiro); Jorge Juan (24 e 31 de xaneiro); IES Fene (8 de febreiro) e CEIP O Ramo (12 de febreiro). Así mesmo, como complemento das sesións co alumnado tamén están previstas sesións para as familias naqueles centros escolares nos que exista demanda e se reúna a un grupo superior ás dez persoas.
26-12-2018

Acto de clausura das Tardes Activas, nas que participaron 120 veciños e veciñas

Un total de 120 veciños e veciñas tomaron parte ó longo do presente trimestre nos diferentes obradoiros do programa municipal de envellecemento activo e participación social “Tardes Activas” que organizou a Concellería de Benestar Social e Igualdade que dirixe Juana Barro.
20-12-2018

Arranca o curso Robótica para comerse o tarro

O curso “Robótica para comerse o tarro” que promove a Concellería de Benestar Social que dirixe Juana Barro arrancaba a semana pasada no CCRD de Perlío. Unha actividade dirixida a rapaces e rapazas de entre 13 e 16 anos que se celebrará ata o 2 de febreiro e na que se abordarán materias como programación, minecraft, realidade aumentada, scratch, prototipos 3D, simulacións con robots ou novas tecnoloxías. O departamento municipal informa de que queda algunha praza libre, polo que os mozos e mozas interesados/as aínda poden anotarse no no whatsapp 670 034 625 ou no Centro Municipal de Servizos Sociais –Avenida do Mar, bloque 1 San Valentín.
19-12-2018

Reunión informativa este xoves no Centro Municipal de Servizos Sociais de Fene sobre o programa “Vacacións en Paz”

A concelleira de Benestar Social e Igualdade, Juana Barro, convida ós veciños e veciñas de Fene a tomar parte mañá xoves, ás 11 horas, nunha xuntanza informativa sobre o programa “Vacacións en Paz” que se celebrará no Centro Municipal de Servizos Sociais –Avenida do Mar, bloque 1 San Valentín-. O programa consiste na acollida de nenos/nenas saharauis procedentes dos campamentos de refuxiados saharauis en Tindouf (Alxeria) ata Galicia, para que pasen dous meses de verán (xullo e agosto) acollidos por familias, neste caso, do termo municipal de Fene.
07-12-2018

O Concello abre a inscrición no programa “Robótica para comerse o tarro”

O Concello de Fene, a través da Concellería de Benestar Social, oferta o curso “Robótica para comerse o tarro”. Está dirixido a rapaces e rapazas de entre 13 e 16 anos, a participación é completamente gratuíta e a inscrición está aberta. Pode formalizarse por tres vías: nos centros educativos do municipio –ata o 12 de decembro nas respectivas secretarías-; no whatsapp 670 034 625 ou no Centro Municipal de Servizos Sociais –Avenida do Mar, bloque 1 San Valentín-. As prazas están limitadas a 20 e para iniciar a actividade requírese un mínimo de 10 participantes.
30-11-2018

Entrega de diplomas en Fene ás persoas participantes no Curso de Mediadores Sociais

A concelleira de Benestar Social, Juana Barro, presidiu esta semana o acto de entrega de diplomas ás persoas participantes no Curso de Mediadores/as Sociais que organizou o Concello, xunto ós de Mugardos e Neda, no marco do proxecto conxunto de prevención de condutas aditivas que subvenciona a Consellería de Sanidade. Impartido por persoal técnico de Asfedro, a acción formativa tivo lugar na Casa da Cultura durante os meses de outubro e novembro.
09-11-2018

Fene acolleu o curso Xuntos nos Coidados para coidadores de persoas afectadas de alzheimer

Unha veintena de persoas tomaron parte no curso Xuntos nos Coidados que se celebrou esta semana no Centro Municipal de Servizos Sociais de Fene. Unha acción formativa gratuíta dirixida a persoas con familiares a cargo afectados de alzheimer ou outro tipo de demencia. O curso desenvolveuse en dúas sesións. Á primeira dela asistían a presidenta de AFAL Ferrolterra, Ana María López, e a vicepresidenta, Montse López, entidade que imparte o curso, así como o alcalde de Fene, Gumersindo Galego, e a edil de Benestar, Juana Couto, concello que colabora coa iniciativa, impulsada pola Federación Alzheimer Galicia e a Consellería de Política Social. Todos eles aproveitaban a oportunidade para dar a coñecer o labor que desenvolve AFAL a favor das persoas afectadas e das súas familias e coidadores, con dous centros de día terapéuticos en Ferrol. Tamén dos diferentes cursos que o Concello, municipio solidario co alzheimer, desenvolve ó longo do ano nesta materia. Así mesmo, o alcalde avanzaba a próxima celebración de charlas sobre a enfermidade nas parroquias. Charlas que impartirá AFAL e cuxo calendario se dará a coñecer nas próximas semanas.
06-11-2018

Proxección da curta "MIÑA" e foro sobre a violencia de xénero este xoves en Fene

O salón de actos da Casa da Cultura de Fene acollerá este xoves, 8 de novembro, a proxección da curta "MIÑA", do director Michael J. Cassidy, e un foro/debate posterior con profesionais especializados onde se tratará o abordaxe da violencia de xénero no ámbito veciñal. Será a partir das 19 horas con entrada libre e de balde.
06-11-2018

Teatro e fotografía para concienciar sobre a situación das persoas refuxiadas no IES de Fene

O IES de Fene acollerá ó longo desta semana unha exposición fotográfica e mais unha obra de teatro para concienciar sobre a difícil situación das persoas refuxiadas. As actividades encádranse no plan de sensibilización promovido polo Fondo Galego de Cooperación e Solidariedade, entidade da que é socio o Concello de Fene.
25-10-2018

Obradoiro para a prevención da violencia de xénero no CEIP A Xunqueira

No marco da programación do 25 de Novembro, “Día Internacional para a eliminación da Violencia contra as Mulleres”, o Concello de Fene informa de que mañá venres, 26 de outubro, impartirase no CEIP A Xunqueira o Obradoiro para a prevención da violencia de xénero “Nas TIC Mandas Ti”.