11-10-2019

O Concello abre a inscrición nos talleres de estimulación cognitiva para persoas afectadas de alzheimer e outras demencias

Os talleres celebraranse martes e xoves de 18 a 20 horas e son gratuítos
A concelleira de Benestar Social de Fene, Tamara Miragaya, avanzou esta mañá a posta en marcha de talleres de estimulación cognitiva para persoas afectadas de alzheimer e outras demencias. A iniciativa levarase a cabo en colaboración con AFAL Ferrolterra, que guiará os obradoiros, e a participación será completamente gratuíta. Deste xeito, Miragaya informaba de que hoxe mesmo se abría o prazo de inscrición na iniciativa e animaba a anotarse ben no Centro Municipal de Servizos Sociais de Fene ben en AFAL Ferrolterra.
 
 
 
 
09-10-2019

Medio centenar de veciños e veciñas participan nos talleres Recordando o noso

O Concello de Fene, a través da Concellería de Benestar Social que dirixe Tamara Miragaya, inauguraba a semana pasada en Barallobre os obradoiros “Recordando o Noso”. Neles participan 54 veciños e veciñas maiores de 55 anos nos diferentes escenarios nos que se celebran: ACDR Liga de Amigos de Barallobre (os xoves de 18,15 a 19,45 horas); CCRD Perlío (os mércores de 16,30 a 18 horas); AVV San Xurxo de Magalofes (os venres de 19 a 20,30 horas) e ACDR Agarimo de Sillobre (os martes de 18,30 a 20 horas).
 
08-10-2019

Concello de Fene e AFAL promoven este xoves o curso Coidar ao Coidador

A concelleira de Benestar Social de Fene, Tamara Miragaya, informou esta mañá da próxima celebración do curso “Coidar ao Coidador”, dirixido a familias coidadoras de persoas afectadas de alzheimer e/ou outro tipo de demencia. A acción está organizada polo Concello coa colaboración de AFAL Ferrolterra, e desenvolverase este xoves 10 de outubro no Centro Sociocomunitario de Perlío. Será a partir das 18 horas e ata as 20 horas.
04-10-2019

O Concello de Fene abre o prazo de inscrición no proxecto Indira, grupo de apoio emocional para mulleres

A Concellería de Igualdade do Concello de Fene que dirixe Juana Barro, a través do Servizo Municipal de Atención á Muller, pon en marcha un novo espazo para mulleres enmarcado dentro do denominado Proxecto INDIRA, xa desenvolvido nos anos 2018 e verán de 2019. Esta actividade está cofinanciada pola Secretaría Xeral de Igualdade da Xunta de Galicia e o Fondo Social Europeo Galicia 2014-2020.
02-10-2019

Arrancan os obradoiros +Memoria en Fene

Un total de 40 persoas tomarán parte dende esta semana nos obradoiros “+Memoria” que impulsa a Concellería de Benestar Social que dirixe Tamara Miragaya en colaboración co tecido asociativo. Os talleres desenvolveranse no local social da AVV Limodre (os luns de 18 a 19 horas); CPS de San Valentín (martes de 16,45 a 18,15 horas), e ACDR O Pote de Maniños (mércores de 18,30 a 20 horas).

Os obradoiros, gratuítos e dirixidos a persoas maiores de 55 anos, inclúense no proxecto Envellecemento Activo e buscan manter activa a mente e mellorar a memoria das persoas participantes con esquecementos cotiás mediante dinámicas de ocio e grupais.
24-09-2019

Por+Vida regresa da VII Carreira da Muller co primeiro premio á participante máis veterana e o segundo á asociación con máis participantes

Por+Vida participaba o pasado domingo, na cidade herculina, na 7º edición da Carreira da Muller sendo tamén a súa sétima participación. Para iso, contaba coa colaboración do Concello de Fene, como vén sendo habitual nos últimos seis anos, con dous autobuses para o desprazamento para a carreira.
23-09-2019

Últimos días para apuntarse aos obradoiros gratuítos de envellecemento activo

A concelleira de Benestar Social, Tamara Miragaya, informou esta mañá do calendario definitivo dos obradoiros de Envellecemento Activo que porá en marcha, a partir da próxima semana, o Concello de Fene destinados ás persoas maiores de 55 anos. Nesta liña, lembrou que o prazo de inscrición nas actividades, completamente gratuítas, concluirá este venres 27 de setembro e debe formalizarse no Centro Municipal de Servizos Sociais. As prazas son limitadas e para a realización das accións debe reunirse un grupo mínimo de 10 participantes e máximo de 15.
19-09-2019

A Casa do Concello de Fene iluminarase de violeta a noite deste venres como mostra do seu compromiso na loita contra a violencia machista

O Concello de Fene súmase ás concentracións convocadas pola Plataforma Feminista de Alicante: “20S Emerxencia Feminista” para alertar do incremento da violencia de xénero logo dun verán negro e un mes de xullo no que cada dous días foi asasinada unha muller en algún lugar de España. Máis aínda despois do terrible episodio vivido na nosa comunidade o pasado luns en Valga, Pontevedra, co triple asasinato machista de tres mulleres da mesma familia en presenza dos fillos de 4 e 7 anos de idade.
16-09-2019

Concentración violencia machista

Dende a Concellaría de Igualdade do Concello de Fene, convócase para mañán martes 17 de setembro de 2019 ao persoal do Concello, ao persoal político e a todas as persoas que desexen unirse, a unha concentración silenciosa ás 12:00 h na porta da Casa do Concello para manifestar públicamente a condea e rexeitamento polo TRIPLE ASASINATO POR VIOLENCIA MACHISTA DE SANDRA BOQUETE JAMARDO de 39 anos Xunto á súa nai, Mª ELENA FAJARDO FIGUEROA de 58 anos e á súa irmán ALBA BOQUETE FAJARDO de 27 anos Veciñas de Valga (Pontevedra)

Sandra, Mª Elena e Alba foron asasinadas este luns polo exmarido de Sandra, JOSÉ LUIS ABET LAFUENTE  de 41 anos, en Valga (Pontevedra) en presenza dos fillos de ambos de 4 e 7 anos de idade, pagando coas súas vidas a discriminación e a desigualdade que padecemos todas. Este feito constitúe o quinto acto de violencia machista en Galicia no que vai de ano dun total de 43 no resto de España. (Fuente MSSSI, 16/09/19).

Agradecemos de antemán a vosa asistencia como xesto de condea, repulsa e solidariedade.
13-09-2019

O Concello iluminarase de verde para visibilizar as patoloxías mitocondriais

O Concello de Fene vén de adherirse á iniciativa “Ilumina por las mitocondrias”, unha campaña de sensibilización coa que se pretenden dar a coñecer ás patoloxías mitocondriais.
Esta proposta parte da Asociación de Enfermos de Patologías Mitocondriales (AEPMI). Estas enfermidades, sen cura e que poden afectar a calquera idade e a calquera órgano e sistema do corpo, derivan dun fracaso no funcionamento das mitocondrias, que non xeran enerxía para manter a vida e o desenvolvemento dos órganos e sistemas.
A adhesión do Concello de Fene concretarase os días 14, 15 e 16 de setembro na iluminación do consistorio de cor verde, coincidindo cunha campaña internacional coa que ano tras ano se dá visibilidade a este tipo de patoloxías durante a Semana Mundial de Concienciación das Enfermidades Mitocondriais.