- Situación xeográfica
- Como chegar
- As nosas parroquias
- Territorio e clima
- Demografía
- Estrutura económica
- Historia
- Patrimonio histórico
- Lugares de lecer e cultura
- Natureza e deporte
- Festas e folclore
- Museos
- En marcha
- Teléfonos de interese
- Aloxamentos e Restaurantes
- Galerías de imaxes
Igrexa de San Salvador
A igrexa parroquial de Fene é un edificio do século XVII, de estilo barroco, aínda que con moitas transformacións posteriores. Como a maioría dos templos do concello, trátase dunha construción de gran sinxeleza, con muros de carga de perpiaños graníticos que aparecen lucidos na súa maior parte e furados de ventás alongadas con vidreiras polícromas. Unicamente na fachada e nos linteis e as xambas aparece a pedra vista; nela atopamos a porta principal, decorada con orelleiras, un frontón partido e unha ventá rectangular. Elemento subliñable na fachada é tamén a torre-campanario, de planta cadrada, coa típica decoración de caixeado do Barroco e rematada con cúpula semiesférica.
O desenvolvemento da planta, moi irregular, é basicamente horizontal, destacando a nave central con bóveda de canón e arcos faixeiros. No interior existen ademais retablos de tipo
barroco e neoclásico, e interesantes exemplos de imaxinería. A cuberta, principalmente a dúas augas, é de tella.
