Dixomedíxomes

Museo do Humor   Dixomedíxomes
24-10-2018

O Museo do Humor acollerá este venres a entrega dos Premios Curuxa 2018 e o monólogo de José Luis Gutiérrez "Guti"

Fernando Iglesias Mouta, “Kohell” (1º premio na categoría Curuxa), Manuel Arriaga de León (2º premio na categoría Curuxa), Ana Martínez Fernández (1º premio na categoría Curuxa Nova) e Cristian Fojón Caruncho (2º premio na categoría Curuxa Nova) recibirán este venres, 26 de outubro, os galardóns que os acreditan como gañadores dos Premios Curuxa 2018. Será nun acto no Museo do Humor que arrancará ás 19 horas, presidido polo alcalde, Gumersindo Galego, coa recepción ós gañadores e finalistas do certame. Así mesmo, e con entrada libre, ás 20 horas procederase á entrega dos premios ós nomeados gañadores e dos diplomas ós/ás finalistas do certame: Beatriz Rodríguez, Helena Fernández, Antía González, Antón Agra, Miguel Bouzas, Alejandro Viñuela e Marta Picallo.
30-05-2018

Entrega de diplomas ás persoas participantes no obradoiro “Licenza para rir” promovido polo Concello de Fene

O alcalde, Gumersindo Galego, e a concelleira de Cultura, Rocío Bértoa, entregaron os diplomas ós veciños e veciñas que acudiron durante o curso ás sesións, impartidas pola técnica Clara González.
01-10-2018

O Concello inaugura este martes a exposición dos Premios Curuxa 2018

O Concello de Fene, a través da Concellería de Cultura, inaugura este martes, 2 de outubro, nova exposición na Casa da Cultura. Nesta ocasión, a mostra dos Premios Curuxa 2018. Poderá visitarse ata o 2 de novembro de luns a venres de 10 a 13 horas e de 16 a 21 horas, e os sábados de 10 a 13 horas. Así mesmo, tamén a partir de mañá, o público poderá visitar unha exposición virtual con todos os traballos presentados ó certame na páxina web do museo
21-09-2018

Xaquín Marín presenta Tonecho este luns no Museo do Humor

No mesmo acto, que principiará ás 20 horas con entrada libre, o escritor e xornalista Félix Caballero Wangüemert presentará a súa obra X. Marín. Arte e compromiso no humor gráfico galego

O Museo do Humor de Fene, a segunda casa de Xaquín Marín, será escenario este luns, 24 de setembro, do acto de presentación da súa última publicación, Tonecho, pero tamén da obra X. Marín. Arte e compromiso no humor gráfico galego, de Félix Caballero Wangüemert, un libro definitivo sobre un dos artistas galegos fundamentais da historia de Galicia. Con entrada libre, o acto dará comezo ás 20 horas e, nel, Marín e Caballero estarán acompañados polo director de Galaxia, Francisco Castro, e polo alcalde de Fene, Gumersindo Galego.
 
11-09-2018

Novos horarios na Casa da Cultura

O Concello informa da ampliación dos horarios a partir deste mércores

O Concello de Fene ven de informar da entrada en vigor do horario de inverno na Casa da Cultura –Biblioteca Municipal, Museo do Humor, aula de estudo e sala de exposicións temporais- a partir deste mércores, 12 de setembro.
05-09-2018

Os artistas Manuel Barro e Rafael Nadales presentan en Fene os seus “Contrastes”

A mostra inaugurada este martes poderá visitarse ata o 28 de setembro na sala de exposicións temporais da Casa da Cultura-Museo do Humor con entrada de balde. De luns a venres de 10 a 14,15 horas ata o 11 de setembro e, a partir de entón, de luns a venres de 10 a 13 e de 16 a 21 h e os sábados de 10 a 13 h. 
03-09-2018

Manuel Barro e Rafael Nadales traen á Casa da Cultura de Fene os seus “Contrastes”

O acto de inauguración, aberto á veciñanza, celebrarase este martes ás 12 h na Casa da Cultura

Baixo o título “Contrastes”, os artistas Manuel Barro e Rafael Nadales traen a Fene algunhas das súas mellores obras pictóricas e escultóricas. Unha mostra imprescindible que o público poderá apreciar na sala de exposicións temporais da Casa da Cultura-Museo do Humor do municipio. O acto de inauguración terá lugar mañá martes, 4 de setembro, a partir das 12 horas.
02-08-2018

Arantxa Prada inaugura en Fene a súa exposición de pintura “Introproxección”

 A pintora Arantxa Prada inaugura en Fene a súa exposición “Introproxección”. Será este venres, 3 de agosto, a partir das 12 horas na sala de exposicións temporais da Casa da Cultura-Museo do Humor. Con entrada libre, no acto tomará a palabra a artista, así como a concelleira de Cultura, Rocío Bértoa, e o alcalde, Gumersindo Galego.

04-07-2018

Inaugurada en Fene a exposición “Cores. O reflexo da alegría de vivir” de Flor Taracido

A mostra poderá visitarse ata finais de mes de luns a venres de 10 a 14,15 h

Acompañada do alcalde, Gumersindo Galego, e da concelleira de Cultura, Rocío Bértoa, e arroupada por numeroso público, a artista Flor Taracido inaugurou onte á tarde a súa exposición de pintura “Cores. O reflexo da alegría de vivir” na Casa da Cultura-Museo do Humor. Alí poderá visitarse durante todo o mes, de luns a venres de 10 a 14,15 horas.
02-07-2018

A pintora Flor Taracido trae á Casa da Cultura de Fene “Cores. O reflexo da alegría de vivir”

A artista estará acompañada polo alcalde, Gumersindo Galego, e a edil de Cultura, Rocío Bértoa, na inauguración da mostra, este martes ás 20 h

“Cores. O reflexo da alegría de vivir” é o título da nova exposición que albergará a Casa da Cultura-Museo do Humor durante todo o mes de xullo. Unha mostra coas creacións da pintora ferrolá Flor Taracido que este martes, 3 de xullo, abre as súas portas en Fene. Será nun acto de inauguración presidido polo alcalde, Gumersindo Galego, e a concelleira de Cultura, Rocío Bértoa, que arrancará ás 20 horas con entrada libre.
1 2 3 45 6 7 8 >>