Dixomedíxomes

Museo do Humor   Dixomedíxomes
11-12-2019

Visita guiada este xoves por Juan Sobrino, Malena Carballo e Ladislau da Regueira á exposición “Sinerxia 1+1=3”

A Casa da Cultura de Fene acolle ata o vindeiro 27 de decembro a exposición “Sinerxia 1+1=3”, integrada por unha selección das obras de pintura, fotografía e escultura de Juan Sobrino, Malena Carballo e Ladislau da Regueira. E, este xoves, os artistas propoñen ao público participar dunha visita guiada a partir das 19 horas. A ela, asistirá un grupo de alumnos/as do Laboratorio de Creación Artística Laudas Calamity, aínda que poderá participar todo aquel que o desexe.
28-11-2019

Os traveliners con discapacidade participantes na iniciativa TravelIN visitan o Museo do Humor de Fene

O alcalde, Gumersindo Galego, recibiu á comitiva do proxecto TravelIn. Unha viaxe para tod@s, co que ASCM e a Mancomunidade de Concellos de Ferrolterra buscan explotar o potencial da comarca como destino de turismo accesible

Unha comitiva de persoas con discapacidade, chegada de distintos puntos do país, visitou onte pola mañá o concello de Fene no marco da iniciativa TravelIN. Unha Viaxe para tod@s, para vivir unha experiencia de turismo activo e accesible. Esta iniciativa forma parte do proxecto de ASCM e a Mancomunidade de Concellos de Ferrolterra. A visita, que arrincou o pasado domingo, finalizaba na tarde de onte cun achegamento ao Ferrol Modernista e ao museo da cidade departamental, Exponav.
26-11-2019

Pepo Suevos pon este venres o broche de ouro ao ciclo de monólogos “Novembro, Mes do Humor” que organiza o Concello

Será co seu espectáculo “Sobre rodas”, a partir das 20 h no Museo do Humor fenés, e entrada de balde previa retirada de convite

O ciclo de monólogos “Novembro, Mes do Humor” que organizou ao longo das últimas semanas a Concellería de Cultura que dirixe Rocío Bértoa co apoio da Deputación a través da Rede Cultural chegará este venres ao seu fin por este ano. O broche de ouro poñerao Pepo Suevos, que traerá ao Museo do Humor de Fene o seu espectáculo “Sobre rodas”. Arrancará ás 20 horas, con entrada de balde, previa retirada de convite.
21-11-2019

Juan Sobrino, Malena Carballo e Ladislau da Regueira asinan a mostra colectiva “Sinerxia 1+1=3” que se inaugura este venres en Fene

Trátase dunha exposición de pintura, fotografía e escultura

A Casa da Cultura de Fene estrea exposición este venres. Leva por título “Sinerxia 1+1=3” e está integrada por unha selección das obras de pintura, fotografía e escultura de Juan Sobrino, Malena Carballo e Ladislau da Regueira. Aberto á veciñanza, o acto de inauguración terá lugar este venres ás 18,30 horas, presidido polo alcalde, Gumersindo Galego, e coa asistencia dos creadores. A partir de entón, poderá visitarse na sala de exposicións temporais ata o 27 de decembro.
19-11-2019

Quico Cadaval trae este venres ao Museo do Humor de Fene o seu espectáculo “Vacas, guerras, porcos e cregos”

Dará comezo ás 20 horas con entrada de balde previa retirada de convite –máximo dous por persoa- o mesmo venres dende as 18,30 h

Quico Cadaval participará este venres en Fene no ciclo de monólogos “Novembro, Mes do Humor”, que organiza a Concellería de Cultura que dirixe Rocío Bértoa co apoio da Deputación a través da Rede Cultural. Traerá o seu espectáculo “Vacas, guerras, porcos e cregos” nunha función que arrancará ás 20 horas no Museo do Humor fenés. A entrada é de balde ata completar aforo, previa retirada de convite –máximo de dous por persoa- o mesmo venres a partir das 18,30 horas.
18-11-2019

Visita do alumnado do colexio Cristo Rey de Ferrol ao Museo do Humor de Fene

Os centros educativos e asociacións interesadas en solicitar unha visita guiada poden facelo no 981 34 24 00 ou correo museodohumor@gmail.com

Alumnos e alumnas de cuarto curso de Educación Primaria do colexio Cristo Rey de Ferrol participaron a semana pasada nunha visita guiada ao Museo do Humor de Fene. Unha iniciativa que se enmarca no programa de visitas guiadas que ofrece o Concello de Fene para grupos escolares, asociacións ou colectivos.
13-11-2019

O ciclo de monólogos de Fene continúa este venres coa compañía Apatacón e o seu espectáculo “Por unha peseta”

Dará comezo ás 20 horas con entrada de balde previa retirada de convite – máximo dous por persoa- o mesmo venres dende as 18,30 h

O ciclo de monólogos “Novembro, Mes do Humor” continuará este venres coa compañía Apatacón e o seu espectáculo “Por unha peseta”. Será a partir das 20 horas no Museo do Humor fenés e a entrada é de balde ata completar aforo, previa retirada de convite –máximo de dous por persoa- o mesmo venres a partir das 18,30 horas.
07-11-2019

O ciclo de monólogos “Novembro, Mes do Humor” trae a Manquiña este venres a Fene

O popular actor galego ofrecerá os seus “Relatos Negros” no Museo do Humor a partir das 20 horas, con entrada de balde previa retirada de convite –limitada a dúas por persoas- o mesmo venres a partir das 18,30 h

O ciclo de monólogos “Novembro, Mes do Humor” continúa mañá venres da man do popular actor galego Manuel Manquiña. Traerá a Fene os seus “Relatos Negros” nunha función que arrancará ás 20 horas no Museo do Humor fenés baixo a dirección de Darío Autrán. A entrada é de balde ata completar aforo, previa retirada de convite –máximo de dous por persoa- o mesmo venres na conserxería do museo a partir das 18,30 horas.
04-11-2019

Manquiña ofrecerá os seus “Relatos Negros” este venres no Museo do Humor

Dará comezo ás 20 horas con entrada de balde previa retirada de convite –máximo dous por persoa- o mesmo venres dende as 18,30 h

 Manquiña, un dos actores galegos máis coñecidos, participará este venres en Fene no ciclo de monólogos “Novembro, Mes do Humor”, que organiza a Concellería de Cultura que dirixe Rocío Bértoa co apoio da Deputación a través da Rede Cultural. Traerá os seus “Relatos Negros” nunha función que arrancará ás 20 horas no Museo do Humor fenés baixo a dirección de Darío Autrán. A entrada é de balde ata completar aforo, previa retirada de convite –máximo de dous por persoa- o mesmo venres a partir das 18,30 horas.
30-10-2019

Avelino González trae este xoves ao Museo do Humor os seus Contos de Contrabando

A función dará comezo ás 20 horas con entrada de balde previa retirada de convite –máximo dous por persoa- o mesmo xoves dende as 18,30 h

O actor, contador, monologuista e tradutor Avelino González inaugurará este xoves 31 de outubro o ciclo “Novembro, Mes do Humor” que organiza a Concellería de Cultura fenesa co apoio da Deputación a través da Rede Cultural. A partir das 20 horas, Avelino González traerá ao Museo do Humor os seus Contos de Contrabando.
12 3 4 5 6 7 8 >>