Fene cidadán

Xa está operativo o enderezo electrónico sede.xunta.es, que o Goberno galego puxo a disposición dos cidadáns como un punto de acceso único a toda a Administración autonómica, co obxectivo de facer unha Xunta accesible, online e para todo tipo de procesos.Esta sede electrónica vai permitir, por tanto, unha Administración sen papeis, máis transparente, aberta e accesible aos cidadáns as 24 horas dos 365 días do ano.De xeito gradual, a sede electrónica, ofrecerá aos cidadáns a mesma información e os mesmos servizos que, a día de hoxe, se ofrecen fisicamente en calquera ventanilla das consellería. Ademais, proporcionará todo tipo de garantías xurídicas e de seguridade en canto aos trámites que de xeito telemático faga o administrado coa Xunta.

A sede electrónica é unha das actuacións establecidas no Plan de Modernización da Administración, que ten un orzamento total de 26 millóns de euros ata 2013.