CONCELLERÍA DE CULTURA E ENSINO
Entroido 2008
31 de xaneiro de 2008 11 comparsas acompañarán o entroido fenés nos actos programados.
6 comparsas de adultos/as, 3 comparsas de escolares mixta e 2 comparsas infantís, inscribíronse para acompañar ao Entroido nos actos programados para o mércores 6 de febreiro e que comezarán coa concentración destas ás 18:00 horas na Rúa do Río Cádavo (fronte a Aguilar) para continuar cun percorrido polas rúas de Fene: Avenida Marqués de Figueroa, Cruzamento de Fene, Avenida Naturais, Avenida do Concello e Praza do Concello.
Unha vez reunidas as comparsas no Concello, actuarán para todos e todas no palco instalado na praza e interpetarán unha canción.
O xurado concederá os premios aos participantes segundo as bases establecidas.
As comparsas participantes desfilarán e actuarán no seguinte orde,
- Comparsa Infantil Os Chuchameles
- Comparsa Infantil Os Meleiros de Centieiras
- Comparsa Escolar-Mixta O Exame vai de Farra
- Comparsa Escolar - Mixta Os Xunquiños
- Comparsa Adultos/as Os Parrandolos
- Comparsa Adultos/as A Revolta Chalaneira
- Comparsa Adultos/as As Vellas da Troula
- Comparsa Adultos/as Os Trastos
- Comparsa Escolar - Mixta Suricata
- Comparsa Adultos/as Residencia de Maiores de Laraxe
- Comparsa Adultos/as Residencia de Maiores Abrente Comuna Hippie
Esta orde acadouse mediante o sorteo realizado onte ás 19.30 h na Sala de Sesións da Casa do Concello.
