Clube Automodelismo Axiña
Campionato de España de Radio Control
14 de xuño de 2007
Os vindeiros 22, 23 e 24 de xuño, no circuíto das Pías, terá lugar a 3ª proba "A" 1/8TT Gas. do Campionato de España de Radio Control.
Obras de acondicionamento do circuíto de Fene
A competición, organizada polo Clube de Automodelismo Axiña Modelcar, hase desenvover no circuíto permanente das Pías, situado xunto á porta de entrada a Navantia.
Segundo os especialistas, o circuíto que se está preparando para a ocasión será divertido e moi técnico. No referente aos obstáculos ten unha sucesión de rampas a distinto nivel e unha meseta en curva. A súa excelente drenaxe filtra moi ben a auga da chuvia.
As probas comezarán o venres 22 cos adestramentos controlados, catro mangas por piloto. O sábado terá lugar a última manga de adestramentos controlados e, de seguido, as mangas clasificatorias.
A xornada rematará o domingo coa disputa das subfinais, final e o acto de entrega de premios.
O prazo de inscrición o Campionato remata ás 22 h. do 15 de xuño.
